په سند کې د پښتنو سوداګرو او اوسېدونکو پر ضد مبینه قومي تبعیض د منلو وړ نه دی، پښتونخوا ملي عوامي ګوند

کوټه (وېب نیوز) پښتونخوا ملي عوامي ګوند په یوه اعلامیه کې په کراچۍ، حیدرآباد، جامشورو، سکهر، شکارپور، جیکب آباد او د سند په نورو ښارونو کې د پښتنو سوداګرو او عامو پښتنو پر ضد د مبینه قومي تبعیض، بې‌ځایه نیونو او ځورونو غندنه کړې ده. ګوند ویلي چې د ژبې، لباس او قومیت پر بنسټ له خلکو سره چلند د اساسي قانون او بشري حقونو خلاف دی. په اعلامیه کې ټینګار شوی چې پښتانه د پاکستان مساوي اتباع دي او د تجارت، تګ راتګ او روزګار بشپړ قانوني حقونه لري. ګوند له وفاقي او سند حکومت څخه غوښتنه کړې چې بې‌ګناه نیول شوي کسان خوشې کړي، د پاکستانیانو د بهرنیانو په توګه د معرفي کولو لړۍ ودروي او د قانون خلاف کړنو کې د ککړو چارواکو پر ضد قانوني اقدام وکړي.