د بي ډي اې د ختمولو يا مدغمولو پر ضد به په هر فورم غږ پورته کړو .د بلوچستان لیبر فېډرېشن مشر خان زمان

کوټه (ویب نیوز)د بلوچستان لیبر فېډرېشن مشر خان زمان، چیرمین حاجي بشیر احمد رند، سېکرټر جنرل قاسم خان کاکړ او نورو مشرانو د بلوچستان له حکومته غوښتي چې د بلوچستان ډوېلپمنټ اتهارټۍ د بلې ادارې سره د مدغمولو يا د بلې ادارې تر واک لاندې کولو پرېکړه سمدستي بېرته واخلي، د ادارې خپلواکه حیثیت دې وساتل شي او د کارکوونکو، مزدورانو او تقاعد شوو کسانو حقوق دې خوندي کړل شي. هغوی وویل، د بي ډي اې له ادارې سره د ۹۰۰ کورنیو روزګار تړلی دی او په کوټه، حب او ګډاني کې د ادارې د میلیاردونو روپیو په ارزښت شتمنۍ او پروژې موجودې دي. د دوی په وینا، د دغو شتمنیو د انتقال یا ارزانه پلور هڅې د اندېښنې وړ دي او که حکومت خپله پرېکړه بېرته وانخلي، نو بلوچستان لیبر فېډرېشن به د خپلو حقونو لپاره پراخ احتجاجي تحریک پیل کړي.