ولسمشر آصف علي زرداري سره د نواب جنګیز خان مري لیدنه، د بلوچستان پر وضعیت خبرې

کوټه (نوې ژوند وېب نيوز)د پاکستان ولسمشر آصف علي زرداري په بلاول هاوس کراچۍ کې د بلوچستان اسمبلۍ له غړي نواب جنګیز خان مري سره ولیدل. په دې لیدنه کې د بلوچستان د امنیتي وضعیت، سیاسي ثبات او روانو پرمختیایي پروژو په اړه تفصیلي خبرې وشوې. دواړو لورو په صوبه کې د تلپاتې سولې، د خلکو د هوساینې، پرمختیایي پروژو د چټک تطبیق او د ترهګرۍ ضد اقداماتو په اړه هم بحث وکړ. نواب جنګیز خان مري ولسمشر ته د بلوچستان د خلکو ستونزې او پرمختیایي اړتیاوې وړاندې کړې، په داسې حال کې چې ولسمشر آصف علي زرداري په بلوچستان کې د سولې، پرمختګ او سوکالۍ لپاره د وفاقي حکومت د ژمنتیا بیا څرګندونه وکړه او د وفاق او صوبې ترمنځ یې د نږدې همکارۍ پر اړتیا ټینګار وکړ.