د ایران او امریکا جګړې د وقفې وروسته د نفتو او طبیعي ګاز نړیوالې بیې راټیټې شوې

لندن (ویب نیوز): د ایران او امریکا ترمنځ د روانې جګړې د لنډ مهالي وقفې وروسته په نړیوال بازار کې د خامو نفتو او طبیعي ګاز بیې په څرګند ډول راکمې شوې دي. د برېنټ خام نفتو بیه شاوخوا ۵ سلنه راټیټه شوې او ۹۲ ډالرو فی بېرل ته رسېدلې، همدارنګه د امریکا خام نفت هم ۵ سلنه ارزانه شوي او د ۸۵ ډالرو فی بېرل په بیه راکړه ورکړه پرې کېږي. د متحده عربي اماراتو د مربن خام نفتو بیه له ۱۰ سلنې ډېره راکمه شوې او ۹۷ ډالرو فی بېرل ته رسېدلې، په داسې حال کې چې د طبیعي ګاز نړیوالې بیې هم له ۲ سلنې څخه زیاتې راټیټې شوې دي. نړیوال اقتصادي شنونکي وایي، د جګړې د وقفې له امله په بیو کې کموالی راغلی، خو که جګړه بیا شدیده شي، د نفتو بیه تر ۲۰۰ ډالرو فی بېرل پورې هم رسېدلی شي، او د امریکا د نفتو د زېرمو کمېدل هم د نړیوال بازار لپاره د اندېښنې وړ موضوع ده.