د هند د دفاع وزیر پاروونکې څرګندونې رد شوې، پاکستان د هر ډول تېري پر ضد بشپړ چمتووالی لري: د بهرنیو چارو وزارت

اسلام آباد (ویب نیوز): د پاکستان د بهرنیو چارو وزارت د هند د دفاع وزیر پاروونکې څرګندونې په کلکه رد کړې او ویلي یې دي چې پاکستان د هر ډول هندي ماجراجویۍ پر وړاندې د قوي او اغېزمن ځواب ورکولو بشپړ توان او چمتووالی لري. د وزارت ویاند وویل چې د جموں او کشمیر شخړه د ملګرو ملتونو په اجنډا کې شامله نړیواله مسئله ده او د هند د دفاع وزیر څرګندونې د حقیقتونو د پټولو او په اشغال شوي کشمیر کې د هند له کړنو څخه د پام اړولو هڅه ده. په بیان کې ویل شوي چې د هند پالیسۍ د سیمې او نړۍ د سولې او امنیت لپاره ګواښ دی، خو د پاکستان ولس او وسله وال ځواکونه د خپلې خاورې د دفاع لپاره یو موټی او هر وخت چمتو دي. د بهرنیو چارو وزارت له نړیوالې ټولنې وغوښتل چې د هند د پاروونکو اقداماتو جدي نوټس واخلي او د ملګرو ملتونو د پرېکړه لیکونو له مخې دې د کشمیریانو د خپلواکۍ حق تضمین کړي.