د ژوب او لورالایي په سرحدي سیمه ژړه کې وسله واله نښته، دوه کسان وژل شوي او ګڼ نور ټپیان دي

ژوب (وېب نیوز): د ژوب او لورالایي ترمنځ د ژړه په سرحدي سیمه کې د دوو ډلو ترمنځ په وسله واله نښته کې دوه کسان وژل شوي او ګڼ نور ټپیان شوي دي. د سرچینو په وینا، ملک کریم کبزی او شاه فیصل چرمۍ په پېښه کې ځای پر ځای وژل شوي، او ټپیان د بیړنۍ درملنې لپاره د ژوب ملکي روغتون ته لېږدول شوي دي. له پېښې وروسته په سیمه کې تاوتریخوالی رامنځته شوی، او اړوندو ادارو د پېښې د لاملونو د معلومولو لپاره پلټنې پیل کړې دي. تر اوسه د نښتې د علت په اړه رسمي معلومات نه دي خپاره شوي.