په خاران کې پر د بانک په اې ټي اېم برید او پر دوو پټرول پمپونو وسله واله ډاکه، په لکونو روپۍ او قیمتي سامان لوټ شو

خاران (ویب نیوز): د خاران په ښار کې نامعلومو وسله والو د یو بي اېل بانک پر څانګې د برید هڅه وکړه، خو د بانک دروازې د تړلو له امله یې پر اې ټي اېم ډزې وکړې او زیان یې ورساوه. په همدې ورځ د ځنګل سړک په سیمه کې وسله والو لاره تړلې وه او پر سدابهار پټرولیم او عاجزي پټرولیم یې په یو وخت وسله والې ډاکې وکړې. د ډاکې پر مهال یې پر ښاریانو هم تشدد وکړ او له دواړو پمپونو څخه یې په لکونو روپۍ نغدې، موبایلونه او نور قیمتي توکي لوټ کړل او وتښتېدل. په وروستیو ورځو کې په خاران کې د غلاوو او ډاکو پېښې زیاتې شوې دي، چې له امله یې د خلکو او سوداګرو اندېښنې زیاتې شوې دي. ولس له پولیسو او ضلعي ادارې غوښتنه کړې چې د مجرمانو پر ضد دې جدي اقدامات وکړي او د خلکو د سر او مال ساتنه دې یقیني کړي.