په نصیرآباد کې د برېښنا د ټاور ترڅنګ چاودنه، ټاور ته جزوي زیان اوښتی

نصیرآباد (وېب نیوز): د نصیرآباد د خان کوټ پولیس سټېشن په حدودو کې د برېښنا د ټاور ترڅنګ زوروره چاودنه شوې چې له امله یې ټاور ته جزوي زیان اوښتی دی. د پولیسو په وینا، نامعلومو کسانو د ټاور لاندې چاودېدونکي توکي ځای پر ځای کړي وو چې د چاودنې سبب شول. له پېښې وروسته د پولیسو درنه ډله سیمې ته ورسېده، سیمه یې کلابنده کړه، شواهد یې راټول کړل او د پېښې د پلټنو ترڅنګ یې د بریدګرو د موندلو لپاره عملیات پیل کړي دي.