ګراني، بېکاري او ناامني ختمول د حکومت مسؤلیت دی، پروفېسر ډاکټر حلیم صادق

کوټه (ویب نیوز): د عوام پاکستان ګوند د بلوچستان صوبایي جنرل سېکرټر پروفېسر ډاکټر حلیم صادق ویلي، پاکستان دا مهال له سیاسي، اقتصادي او ټولنیزو ستونزو سره مخ دی او له دې وضعیت څخه د وتلو لپاره ملي یووالی، د اساسي قانون برلاسی او د جمهوري ادارو پیاوړتیا اړینه ده. نوموړي وویل چې ګراني، بېکاري، ناامني او د بنسټیزو اسانتیاوو نشتوالي خلک له سختو ستونزو سره مخ کړي، نو حکومت باید د ولس د ستونزو د هواري لپاره بېړني او عملي ګامونه پورته کړي. هغه زیاته کړه چې عوام پاکستان ګوند د جمهوریت، د قانون واکمنۍ، شفاف احتساب، د انصاف د تأمین او د ولسي حقونو د خوندي کولو پلوی دی. نوموړي غوښتنه وکړه چې په بلوچستان او ټول هېواد کې دې پرمختیايي پروژې ګړندۍ شي، ځوانانو ته دې د کار فرصتونه برابر شي او د تعلیم، روغتیا او پاکو اوبو اسانتیاوې دې یقیني کړل شي. هغه وویل چې ګوند به د سیاسي ثبات، ملي یووالي، اقتصادي سوکالۍ او د ولس د هوساینې لپاره خپله جمهوري او آئیني مبارزه روانه ساتي.