په بلوچستان کې د پولیسو پراخ عملیات؛ ۱۰۷ تورن نیول شوي، وسلې او نشه يي توکي نیول شوي

کوټه (ویب نیوز) د بلوچستان پولیسو ویاند ویلي چې په ټول صوبه کې د مطلوبو، تښتېدلو او جرمي عناصرو پر ضد د ځانګړو عملیاتو په ترڅ کې په تېرو درېیو اوونیو کې ۱۰۷ کسان نیول شوي او له هغوی څخه په زیاته اندازه وسلې او نشه يي توکي ترلاسه شوي دي. د پولیسو په وینا، په نیول شویو توکو کې ۸۳ تومانچې، ۷ کلاشینکوفونه، ۹ شاټ‌ګن او ټوپکونه، سلګونه مرمۍ او مګزینونه شامل دي. همدارنګه د نشه يي توکو پر ضد عملیاتو کې سلګونه کیلو چرس، آیس، افیون، هیروین، کرسټل او د شرابو بوتلونه هم نیول شوي دي. پولیسو ویلي چې لسګونه مطلوب او تښتېدلي کسان یې هم نیولي، یو شمېر تښتول شوي کسان یې ژغورلي او د غلا شویو موټرو، موټرسایکلونو او نورو توکو د ترلاسه کولو ترڅنګ به د جرمونو پر ضد عملیات دوام ولري.