شوکت یوسفزی د نویو صوبو د جوړېدو ملاتړ وکړ، لومړی یې د رڼو ټاکنو غوښتنه وکړه

کوټه (وېب نیوز): د پاکستان تحریک انصاف (پي ټي آی) مشر شوکت یوسفزي د نویو صوبو د جوړېدو د وړاندیز ملاتړ کړی او ویلي یې دي چې تر هر څه وړاندې باید رڼې او عادلانه ټاکنې ترسره شي، څو د ولس اصلي استازي د دې مهمې موضوع په اړه پرېکړه وکړي. نوموړي په یوه ټلوېزیوني خپرونه کې وویل، که په پارلمان کې توافق رامنځته نه شي، نو د نویو صوبو په اړه دې ټولپوښتنه (ریفرنډم) وشي. هغه زیاته کړه چې ترکیې او هند هم د اداري اړتیاوو له مخې نوې صوبې جوړې کړې دي. بل لور ته د پي ټي آی مشر بیرسټر ګوهر ویلي، د نویو صوبو لپاره هر ډول اساسي قانوني بدلون پراخ سیاسي اتفاق او د ولس واضح واک ته اړتیا لري، او په هېواد کې یې د سمدستي ملي حکومت د جوړېدو غوښتنه هم کړې ده.