د نادرا او ایف آی اې ګډې څارنې، د ټولنیزو رسنیو د شکمنو حسابونو د پلټنو لړۍ چټکه شوې

کوټه (وېب نيوز) د راپورونو له مخې، نادرا او د فدرالي تحقیقاتي ادارې د ټولنیزو رسنیو پر هغو حسابونو د څارنې او پلټنو بهیر چټک کړی چې د چارواکو په وینا ښايي له قانون څخه د سرغړونې یا د دولتي ادارو پر ضد په ناقانونه آنلاین فعالیتونو کې ښکېل وي. سرچینې وایي، د شکمنو حسابونو د پېژندنې، ډیجیټلي شواهدو او اړوندو معلوماتو قانوني ارزونه روانه ده، او که د اړوندو قوانینو له مخې د اقدام اړتیا وي، نو قانوني بهیر به ترسره کېږي. سایبري امنیتي کارپوهانو له خلکو غوښتي چې د ټولنیزو رسنیو د کارولو پر مهال له مسؤلیت څخه کار واخلي، د هر ډول خبر یا ویډیو تر شریکولو مخکې یې کره‌والی وڅېړي او له ناتایید شوو یا ناقانونه مطالبو څخه ډډه وکړي.