جوز بټلر د شل اوریزه کرکټ تر ټولو زیاتې منډې جوړوونکی لوبغاړی شو

کوټه (ویب نیوز): د انګلستان نامتو توپوهونکی جوز بټلر د ویسټ انډیز د پخواني آل راونډر کیرون پولارډ ریکارډ مات کړ او د شل اوریزه کرکټ په تاریخ کې د تر ټولو زیاتو منډو جوړولو نړیوال ریکارډ یې خپل کړ. بټلر د «دي هنډرډ» سیالیو کې د مانچسټر سوپر جاینټس په استازیتوب د ویلش فایر پر وړاندې غوره لوبه وکړه او دا تاریخي پړاو یې بشپړ کړ. نوموړي له لوبې وروسته وویل چې پر دې بریا ویاړي او باور لري چې راتلونکي کې به بل لوبغاړی هم دا ریکارډ مات کړي. جوز بټلر په ۵۲۱ سیالیو کې له ۱۴ زره ۸۰۳ څخه زیاتې منډې جوړې کړې او د کیرون پولارډ ریکارډ یې مات کړ، په داسې حال کې چې پولارډ دغه شمېر منډې په ۷۴۶ سیالیو کې جوړې کړې وې. په دې نوملړ کې کریس ګیل درېیم او جېمز وینس څلورم ځای لري، او د پاکستان له لوري شعیب ملک د شل اوریزه کرکټ تر ټولو زیاتې منډې جوړوونکی لوبغاړی دی.