ملګري ملتونه: ایران کې د ملي امنیت په تور ۵۶ کسانو ته د مرګ سزا ورکړل شوې

کوټه (ویب نیوز): د ملګرو ملتونو د بشري حقونو ادارې ویلي چې په ایران کې د روان کال د مارچ له ۱۹مې نېټې راهیسې د ملي امنیت اړوند تورونو له مخې لږ تر لږه ۵۶ کسانو ته د مرګ سزا ورکړل شوې ده. د راپور له مخې، له دغو کسانو څخه ۲۷ تنه د کال په پیل کې د اعتراضونو سره تړلو تورونو له امله اعدام شوي دي. د ملګرو ملتونو د بشري حقونو عالي کمشنر وولکر ترک ویلي چې د مارچ میاشتې وروسته په ایران کې د اعدامونو او د مرګ د سزاوو شمېر زیات شوی دی. نوموړي له ایراني چارواکو وغوښتل چې ټول اعدامونه ودروي او د مرګ سزا د بشپړ لغوه کولو لپاره عملي ګامونه پورته کړي.