پاکستان ویسټ انډیز ته ماتې ورکړه، د ټېسټ لوبلړۍ یې ۱-۱ مساوي کړه

کوټه (ویب نیوز): د پاکستان کرکټ لوبډلې د ویسټ انډیز پر وړاندې دوهمه ټېسټ لوبه په بریا سره پای ته ورسوله او د دوو لوبو لړۍ یې ۱-۱ مساوي کړه. ویسټ انډیز په خپله دویمه پاڼۍ کې په ۱۱۷ منډو ټول لوبغاړي له لاسه ورکړل، چې له امله یې پاکستان ته د بریا لپاره د ۷۵ منډو هدف ورکړل شو. پاکستان دغه هدف د دوو لوبغاړو په سوځېدو پوره کړ. عبدالله شفیق په دویمه پاڼۍ کې په ۲۴ منډو ناسوځېدلی پاتې شو او کپتان بابر اعظم هم په ۲۴ منډو ناسوځېدلی و. اذان اویس ۱۸ او امام الحق ۹ منډې جوړې کړې. عبدالله شفیق، چې په لومړۍ پاڼۍ کې یې ۱۶۰ ناسوځېدلې منډې کړې وې، د لوبې غوره لوبغاړی وټاکل شو، په داسې حال کې چې بابر اعظم د ټولې لوبلړۍ په اوږدو کې د ۱۹۳ منډو په جوړولو سره د لوبلړۍ غوره لوبغاړی اعلان شو. د پاکستان له خوا علي عثمان او ساجد خان څلور، څلور او محمد علي یوه ویکټ ترلاسه کړه.