بنګله دېش په تاریخ کې د لومړي ځل لپاره د اسټرالیا په خاوره کې ټېسټ لوبه وګټلهبنګال ټایګرز د ۵۷ منډو هدف د یوې ویکټې په زیان ترلاسه کړ

کوټه (سپورټس ډیسک) بنګله دېش د اسټرالیا پر وړاندې لومړۍ ټېسټ لوبه وګټله او د اسټرالیا په خاوره کې یې د لومړي ځل لپاره ټېسټ بریا خپله کړه. اسټرالیا په دویمه پاڼۍ کې ۲۸۴ منډې جوړې کړې، چې له دې وروسته بنګله دېش ته د بریا لپاره ۵۷ منډې هدف ورکړل شو او بنګال ټایګرز دغه هدف یوازې د یوې ویکټې په زیان ترلاسه کړ. د اسټرالیا لپاره کېمرون ګرین په ۱۰۴ منډو سره تر ټولو ښه وځلېد، په داسې حال کې چې د بنګله دېش سپین بالر مهدي حسن په دویمه پاڼۍ کې پنځه ویکټې واخیستې. د بنګله دېش تېز بالر حسن محمود په ټوله لوبه کې اته ویکټې واخیستې او د خپلې لوبډلې په تاریخي بریا کې یې مهم رول ولوباوه، په همدې توګه تنزید حسن هم د اسټرالیا پر وړاندې په لومړۍ پاڼۍ کې په زړه پورې سلیزه ووهله.