د هاکي نړیوال جام: پاکستان او وېلز ۳-۳ ګولونو مساوي شول

کوټه (ویب نیوز) د هاکي نړیوال جام ۲۰۲۶ د ډي ګروپ په مهمه سیالۍ کې پاکستان او وېلز له یوې په زړه پورې لوبې وروسته ۳-۳ ګولونو مساوي شول. دغه سیالي د هالنډ په واګنر هاکي لوبغالي کې ترسره شوه. پاکستان د لوبې په لومړۍ برخه کې مخکې شو، خو وېلز دوه پرله‌پسې ګولونه ووهل او د لومړۍ نیمایي تر پایه یې ۲-۱ مخکښي خپله کړه. په وروستي کوارټر کې پاکستان په زړه پورې بېرته راستنېدنه وکړه او د سفیان خان او حنان شاهید د ګولونو له لارې یې ۳-۲ مخکښي ترلاسه کړه، خو د وېلز ګریتھ فرلانګ خپل دویم ګول وواهه او لوبه یې بیا مساوي کړه. د پاکستان لپاره عبدالرحمان، سفیان خان او حنان شاهید یو، یو ګول وواهه، په داسې حال کې چې د وېلز لپاره فرلانګ دوه او رائس برېډشا یو ګول ترسره کړ. پاکستان له دې مساوي پایلې وروسته په نړیوال جام کې خپل لومړی پواینټ ترلاسه کړ او اوس به د اګست په ۱۹مه له خپل دودیز سیال هند سره د ګروپ وروستۍ لوبه ترسره کړي.