امریکا د نوو بندیزو پر وړاندې د ایران سخت غبرګون، د هرمز تنګي د تړلو ګواښ

اسلام آباد (ویب نیوز) پر ایران د امریکا له خوا د نویو او تر ټولو سختو اقتصادي بندیزونو له اعلان وروسته په سیمه کې کړکېچ لا زیات شوی، د امریکا د خزانې وزیر سکاټ بیسنټ ویلي چې له ایران سره همکاري کوونکي هېوادونه او شرکتونه به هم له بندیزونو سره مخ شي، بلخوا ایران د امریکا اقتصادي فشارونه رد کړي او د هرمز تنګي د تړلو او د هغو هېوادونو پر وړاندې چې د امریکا په اقتصادي جګړه کې برخه اخلي د ځوابي اقدام خبرداری یې ورکړی، د ایران پارلمان هم د هرمز تنګي له لارې پر تېرېدونکو بېړیو د فیس لګولو منظوري ورکړې، چین له ټولو اړخونو د زغم او هوښیارۍ غوښتنه کړې، په همدې حال کې د عمان د بهرنیو چارو وزیر د ایران سفر د کړکېچ د کمولو او د هرمز تنګي په اړه د روانو مشورو د دوام هڅه بلل شوې ده۔