وزیراعظم د ۱۰۰ کرنیزو فارغانو ایټالیا ته د لېږلو اعلان وکړ

اسلام آباد( ویب نیوز)وزیراعظم شهباز شریف اعلان کړی چې ۱۰۰ تنه ځوان کرنیز فارغان به ایټالیا ته ولېږل شي، څو د زیتون کرنې، عصري پروسس، بازارموندنې او ارزښت زنځیر په برخو کې عصري روزنه ترلاسه کړي. هغه وویل چې په هېواد کې پر ۶۰ زره ایکړه ځمکه د زیتون کرنه کېږي او د کرنیز انقلاب لپاره باید د بزګرانو ملاتړ وشي. وزیراعظم وویل چې پاکستان هر کال د خوراکي تېلو لپاره څلور میلیارده ډالره لګوي، نو د وارداتي لګښت د کمولو لپاره باید د پام تېلو او لمرګلۍ کرنه زیاته شي. نوموړي وویل چې د پاکستان او ایټالیا ترمنځ په کرنه، ټراکټور جوړونه او نورو برخو کې همکاري د پام وړ ده او وفاقي او صوبایي حکومتونه به په ګډه بزګرانو ته اسانتیاوې برابرې کړي.