ډهادر کې د چاودنې له امله زیانمنه شوې ګاز پایپ لاین ترمیم او د ګاز رسونه بحال شوه

ډهادر (ویب نیوز) په ډهادر کې د اګست پر ۱۲مه د چاودنې له امله زیانمنه شوې د ۱۸ انچه قطر ګاز پایپ لاین د ترمیم چارې په بریالیتوب سره بشپړې شوې، چې ورسره په ټولو اغېزمنو سیمو کې د ګاز رسونه بېرته بحال شوې ده. د سوئي سدرن ګاز کمپنۍ ویاند ویلي چې د اګست پر ۱۲مه د چاودنې له امله پایپ لاین زیانمن شوی او د ګاز رسونه ځنډول شوې وه. د ویاند په وینا، د امنیتي کلیئرنس له ترلاسه کېدو سره سم د ایس ایس جي سي تخنیکي ټیمونو په بېړني ډول د ترمیم چارې پیل او بشپړې کړې او له ټولو پېرېدونکو یې د همکارۍ له امله مننه کړې ده.