د انګلستان پر وړاندې د دوهم ټېسټ لپاره د پاکستان لوبډلې تمرین

لندن( ویب نیوز) د انګلستان پر وړاندې د دوهم ټېسټ د چمتووالي لپاره د پاکستان کرکټ لوبډلې په لندن کې لومړنی تمرین وکړ، چې درې ساعته یې دوام وکړ او لوبغاړو پکې فزیکي، فیلډینګ، بېټینګ او بالینګ تمرینونه ترسره کړل. کپتان بابر اعظم چې د ګوتې د ټپ له امله یې په لومړي ټېسټ کې ګډون نه و کړی، په تمرین کې په بشپړه توګه برخه واخیسته او د فیلډینګ له تمرینونو سربېره یې اوږد بېټینګ هم وکړ، تمه ده چې نوموړی د پنجشنبې په ورځ په لارډز کې پیلېدونکي دوهم ټېسټ کې د لوبډلې په یوولس کسیزه ډله کې شامل وي.