د زیارت کراس ترڅنګ پر ایف سي کاروان کمیني برید، ۶ اهلکار شهیدان

کوټه (ویب نیوز) د زیارت کراس څخه د زیارت پر لور شاوخوا ۴ تر ۵ کیلومتره وړاندې د کچ موړ په سیمه کې د فرنټیر کور پر کاروان د کمیني برید راپور ورکړل شوی چې د لومړنیو معلوماتو له مخې پکې ۶ اهلکار شهیدان او یو شمېر نور ټپیان شوي دي. د سرچینو په وینا، د ایف سي پنځه موټرویز کاروان د مېجر صلاح الدین په مشرۍ د پمپنګ سټېشن نمبر ۳ په سیمه کې د نوې پوستې جوړولو لپاره روان و چې د کچ موړ ترڅنګ پرې برید وشو. د برید وروسته په سیمه کې سخته ډزې پیل شوې چې د راپورونو له مخې لا هم روانې دي، او د ایف سي یوه موټر د سوځول کېدو راپور هم ورکړل شوی دی.