په کوټه کینټ کې د پولیسو پرسونل د ننوتلو لپاره د کینټ پاس شرط، د پولیسو اندېښنه

کوټه (ویب نیوز) په کوټه کینټ کې د ننوتلو لپاره له پولیسو څخه هم د کینټ پاس غوښتلو د راپورونو له امله د پولیسو په لیکو کې اندېښنه پیدا شوې ده. د پولیسو کارکوونکي وایي چې د دندې، سرکاري چارو، روغتون یا بېړنیو حالاتو لپاره کینټ ته تلونکي پولیس د پاس نه لرلو په صورت کې د ننوتلو پر مهال له ستونزو او غیر ضروري انتظار سره مخ کېږي. د پولیسو اہلکارانو په وینا، د یونیفورم او سرکاري پېژندپاڼې لرونکو پولیسو لپاره باید داسې روښانه او مناسب طریقه جوړه شي چې امنیتي اړتیاوې هم پر ځای پاتې شي او د سرکاري دندو او بېړنیو مسؤلیتونو پر مهال له غیر ضروري خنډونو سره مخ نه شي. پولیسو له لوړپوړو چارواکو غوښتنه کړې چې موضوع له اړوندو کینټ چارواکو سره مطرح او د پولیسو لپاره د اسانه او باعزته تګ راتګ مناسب میکانیزم رامنځته کړي.