د ډاکټر عایشې فیض نیول، اوسني حکومت قانوني او اخلاقي پولې اوښتې دي، لشکري رئیساني

کوټه(وېب نیوز)مشر سیاستوال نوابزاده حاجي لشکري رئیساني د ډاکټر بي بي عایشې فیض د نیول کېدو په اړه سخت غبرګون ښودلی او ویلي یې دي چې حکومت د نوموړې په نیولو سره قانوني او اخلاقي پولې اوښتې دي. نوموړي په خپل بیان کې وویل چې د ډاکټر عایشې فیض نیول په بلوچستان کې د بشري حقونو او د قانون د واکمنۍ په اړه مهمې پوښتنې راپورته کړې دي او حکومتي ادارې باید د وګړو اساسي حقونه خوندي او هر اقدام د اساسي قانون او قانون په چوکاټ کې ترسره کړي. لشکري رئیساني له نړیوالو بشري حقونو ادارو هم وغوښتل چې په بلوچستان کې د مبینو بشري حقونو سرغړونو ته جدي پام وکړي.