په بلوچستان اسمبلۍ کې د میر صادق عمراني وضاحت، د تېرې ورځې د خبرو له امله یې بښنه وغوښته

کوټه(وېب نیوز)د بلوچستان اسمبلۍ په غونډه کې صوبايي وزیر میر صادق عمراني د پوائنټ آف آرډر له لارې د تېرې ورځې د خپلو خبرو له امله د چا د زړه خوږېدو په صورت کې بښنه وغوښته او ویې ویل چې ځینو رسنیو د هغه خبرې په ناسم ډول وړاندې کړې دي. نوموړي وویل، تل یې د بلوچستان د پرمختګ خبره کړې او هېڅکله د پاکستان د نظریې خلاف نه دی پاتې شوی، بلکې د ترهګرۍ د ختمولو لپاره یې په هر فورم وړاندیزونه کړي دي. میر صادق عمراني دوه ورځې وړاندې وړاندې شوې د غندنې قرارداد له قانون سره مخالف وباله او د لغوه کولو غوښتنه یې وکړه، چې سپیکر وویل له قانون څخه بهر هېڅ اقدام نه دی شوی. وزیراعلیٰ میر سرفراز بګټي د عمراني وضاحت د منلو وړ وباله او ویې ویل چې په تېرو دوو ورځو کې په اسمبلۍ کې چې څه وشول، ښه نه وو، ټولې مسئلې باید پای ته ورسول شي او د صوبې د پراخې ګټې لپاره باید په ګډه مخته ولاړ شو. وروسته د اسمبلۍ غونډه د سپټمبر تر ۲۹مې د ماسپښین تر درې بجو پورې وځنډول شوه.