د نړۍ د کوچيانو لوبې، پاکستان ۴ د برونزو مډالونه وګټل

بشکېک (ویب نیوز) د قرغزستان په پلازمېنه بشکېک کې د نړۍ د کوچيانو په شپږمو لوبو کې پاکستاني لوبغاړو په رسۍ کشولو او ماس رېسلنګ کې غوره کارکردګي ښودلې او ۴ د برونزو مډالونه یې ګټلي دي. طیب رضا اعوان په انفرادي رسۍ کشولو او د پاکستان لوبډلې په ټیمي سیالۍ کې د برونزو مډالونه ترلاسه کړل. په ماس رېسلنګ کې محمد عاصم د ۹۰ کیلوګرامه کټګورۍ او اقرا نصیب د ۹۰ کیلوګرامه څخه د زیاتو وزن لرونکو ښځینه لوبغاړو په کټګورۍ کې د برونزو مډالونه وګټل. پاکستان په دغو لوبو کې په اس سپرلۍ، ماس رېسلنګ، رسۍ کشولو او غشي ویشتلو کې برخه اخیستې وه. د نړۍ د کوچيانو لوبې د دودیزو او سیمه ییزو لوبو له لارې د کوچي قومونو کلتور او تاریخي میراث ته د درناوي یو نړیوال ورزشي او کلتوري ایونټ دی.