هر څومره خنډونه چې جوړ کړئ، زه به خامخا کراچۍ ته رسېږم، سهیل افریدي

حیدرآباد(ویب نیوز)د خیبرپښتونخوا وزیراعلیٰ سهیل افریدي ویلي چې په لاره کې هر څومره خنډونه جوړ کړل شي، هغه به خامخا کراچۍ ته رسېږي. نوموړي په ټنډو جام ټول پلازه، عمر او حیدرآباد کې د ګوند کارکوونکو ته په وینا کې بلاول زرداري ته په خطاب کې وویل چې کوم څه روان دي، د هغه حکومت یې کوي، که داسې نه وي نو باید وویل شي چې دا کارونه څوک کوي. سهیل افریدي وویل چې د سند دود دا دی چې د مېلمنو هرکلی وشي، نو د هر ډول خنډونو باوجود به کراچۍ ته تر رسېدو مخکې له سند څخه ونه وځي. هغه تور ولګاوه چې نه یوازې په حیدرآباد بلکې په ټول هېواد کې د خلکو پر ورکړل شوي مینډېټ برید شوی او د ځانګړو کورنیو حکومتونه جوړېږي، خو د پاکستان تحریک انصاف عامو خلکو ته د پرمختګ او وزیراعلیٰ کېدو فرصت ورکوي.