په مستونګ کې پر پولیس تاڼه د لاسي بم برید؛ یو پولیس سرتېری ټپي

مستونګ (ویب نیوز) په مستونګ کې نامعلومو کسانو پر پولیس تاڼه د لاسي بم برید کړی چې له امله یې یو پولیس سرتېری ټپي شوی دی. د پولیسو سرچینو له مخې د چاودنې غږ تر لرې سیمو پورې اورېدل شوی چې له امله یې په سیمه کې سخته وېره او ترهېدنه خپره شوې ده. له برید سمدستي وروسته پولیسو او امنیتي ځواکونو سیمه محاصره کړې او د لټون عملیات یې پیل کړي دي، په داسې حال کې چې ټپي پولیس سرتېری د طبي درملنې لپاره روغتون ته انتقال شوی دی.