کوټه کې د قمار پر ضد د سایبر جرمونو ادارې عملیات، موټرسایکلونه، موبایلونه او دوه موټرې ونیول شوې

کوټه (ویب نیوز) په کوټه کې د ناقانونه قمار پر ضد د ملي سایبر جرمونو د پلټنې ادارې (اېن سي سي آي اې) عملیات روان دي. د ادارې د ویاند په وینا، د ۲۰۲۶ کال د سپټمبر پر ۳مه د اېن سي سي آي اې سایبر جرمونو ډلې د کوټې په سېټلایټ ټاون کې د قمار کوونکو پر ضد عملیات وکړل، چې پر مهال یې ګڼ موټرسایکلونه، موبایل ټیلیفونونه، دوه موټرې، د کامرې سټنډ، آی پېډ او نور سامان په خپله ولکه کې واخیستل. د ویاند په وینا، د یادو عملیاتو په تړاو په سایبر جرمونو دفتر کې قانوني چارې بشپړې او مقدمه ثبت شوې ده. ویاند څرګنده کړه چې د کوټې ښار او شاوخوا سیمو کې به د ناقانونه قمار او سایبري جرمونو پر ضد بې له توپیره عملیات دوام ولري.