د کوهاټ پولیس لاینز جومات چاودنه؛ ۲۱ کسان شهید، له ۱۰۰ زیات ټپیان

کوټه(ویب نیوز) د کوهاټ د پولیس لاینز په جومات کې د جمعې د لمانځه پر مهال د چاودېدونکو توکو ډک موټر په وسیله ځانمرګي برید او ډزو کې ۲۱ کسان شهیدان او له ۱۰۰ زیات ټپیان شوي دي. د کوهاټ روغتون د معلوماتو له مخې په شهیدانو کې ۱۵ پولیس سرتېري او ۶ ملکي وګړي شامل دي، په داسې حال کې چې په ټپیانو کې ۷۳ پولیس او ۳۰ ملکي وګړي شامل دي. د پولیسو په وینا بریدګر د چاودېدونکو توکو ډک موټر د پولیس لاینز له زړې دروازې سره وجنګاوه چې وروسته چاودنه او ډزې وشوې، په ځوابي عملیاتو کې د پولیسو او ترهګرۍ ضد ادارې له لوري ۶ ترهګر ووژل شول. چارواکو ویلي چې په بریدګرو کې ځانمرګی بریدګر او سنایپر هم شامل وو او د سیمې د پاکولو عملیات ترسره شول. ولسمشر آصف علي زرداري د پېښې له امله خواشیني څرګنده کړې او ټپیانو ته یې د غوره درملنې سپارښتنه کړې، په داسې حال کې چې د خیبر پښتونخوا وزیراعلیٰ سهیل افریدي د پېښې نوټس اخیستی او د راپور غوښتنه یې کړې ده.