ایران غواړي د سعودي عربستان او حوثیانو ترمنځ جګړه پای ته ورسېږي: محسن رضايي

کوټه(ویب نیوز) د ایران د ستر ملي امنیت شورا منشي محسن رضايي ویلي چې ایران غواړي د سعودي عربستان او د یمن د حوثیانو ترمنځ روانه شخړه پای ته ورسېږي. نوموړي وویل چې له امریکا سره د خبرو د بیا پیل لپاره د ایران شرطونه د قطري او پاکستاني منځګړو له لارې واشنګټن ته رسول شوي دي. د محسن رضايي په وینا، ایران د جګړې پای، د کنګل شویو ایراني شتمنیو خوشې کېدل او د سمندري محاصرې ختمېدل غواړي او له خپلو شرطونو به شاتګ ونه کړي. هغه وویل چې ایران د احتمالي امریکايي برید پر وړاندې چمتو دی او د برید په صورت کې به په سیمه کې د امریکا پوځي اډې او ګټې د ځوابي اقدام هدف وګرځي. نوموړي ادعا وکړه چې ایران په دې وروستیو کې د یوه امریکايي الوتکه‌وړونکي بېړۍ ته څېرمه د بېړۍ ضد توغندي ازموینه هم کړې ده.