یوازې د ۴ اوونیو غوره خوړو سره د بیولوژیکي عمر اغېزې کمېدای شي: څېړنه

کوټه(ویب نیوز) د اسټرالیا د سیډني پوهنتون په یوه څېړنه کې ویل شوي چې د ۶۵ تر ۷۵ کلونو عمر لرونکو کسانو لپاره یوازې د څلورو اوونیو لپاره د سالمو او متوازنو خوړو کارول د بیولوژیکي عمر له ځینو نښو سره د تړلو شاخصونو د ښه کېدو لامل کېدای شي. په څېړنه کې ۱۰۴ کسان په څلورو ډلو وېشل شوي او بېلابېل غذایي رژیمونه ورکړل شوي وو. پایلو ښودلې چې په درېیو ډلو کې د بیولوژیکي عمر په اټکل کې کموالی راغلی، خو د کمې غوړ او ډېرو کاربوهایډرېټونو لرونکو خوړو ډلې تر ټولو څرګنده پایله لرله. د څېړونکو په وینا، د دې ډلې د کسانو د بیولوژیکي عمر اټکل د بلې ډلې په پرتله شاوخوا ۳.۵ تر ۴.۱ کلونو کم و.