د بلوچستان میډیا فورم ۱۰ ماده‌ییزې غوښتنې وړاندې کړې

کوټه/سيوۍ (ویب نیوز) د بلوچستان میډیا فورم د خبریالانو د خوندیتوب، د مطبوعاتو د آزادۍ، اقتصادي او ټولنیزو ستونزو د حل او د رسنیو د کارکوونکو د هوساینې لپاره ۱۰ ماده‌ییزې غوښتنې وړاندې کړې او له حکومت څخه یې د عملي اقداماتو غوښتنه کړې ده. د فورم مرکزي ویاند ویلي چې د سپټمبر په ۱۳مه په کوټه کې د مرکزي غونډې پر مهال دغه غوښتنې تصویب شوې. په غوښتنو کې د سیمه‌ییزو مطبوعاتي کلبونو د بقا او فعالیت لپاره د حکومتي ملاتړ او مالي مرستې برابرول، د خبریالانو خوندیتوب، په ټوله بلوچستان کې د خبریالانو لپاره میاشتنی امتیاز، د کلیوالو سیمو له ټلوېزیوني چینلونو سره د تړلو کارکوونکو د دایمي کولو ضمانت، د خبریالانو د اولادونو لپاره په هره ولسوالۍ کې د سرکاري دندو کوټه او د لوړو زده کړو زمینه، د خبریالانو او رپورټرانو پر ضد د قضیو ختمول، د سرکاري ژورنالېستانو د فلاحي صندوق په کمېټه کې د بلوچستان میډیا فورم استازیتوب او په هره ولسوالۍ کې د رسنیو د کارکوونکو لپاره د سرکاري استوګنیزو ښارګوټو جوړول شامل دي. فورم ویلي چې د خپلو غوښتنو تر منلو او عملي کېدو پورې به مبارزه روانه ساتي.