موږ سوله‌ییز وو، یو او پاتې کېږو، پر ادارو او اسلام‌اباد به برید نه کوو: بیرسټر ګوهر

اسلام‌اباد (ویب نیوز) د پاکستان تحریک انصاف مشر بیرسټر ګوهر ویلي چې پي ټي آی سوله‌ییزه وه، سوله‌ییزه ده او سوله‌ییزه به پاتې شي او پر ادارو یا اسلام‌اباد به برید ونه کړي. نوموړي له رسنیو سره په خبرو کې وویل چې ګوند د خپلو حقونو او انصاف لپاره غږ پورته کوي او غواړي چې د دوی خبرې واورېدل شي. بیرسټر ګوهر وویل چې حکومت تر اوسه د پي ټي آی د دریځ د اورېدو او انصاف ورکولو ادعا نه ده کړې، په داسې حال کې چې ګوند خپل د احتجاج پروګرام له مخکې اعلان کړی او په هغه کې بدلون نه دی راغلی. نوموړي وویل چې د پي ټي آی بنسټګر د خیبر پښتونخوا پر وزیراعلی سهیل افریدي باور لري او هغه به وزیراعلی پاتې وي. د هغه په وینا، د یوې سیاسي ډلې د سیاسي میدان څخه د ایستلو هڅې خطرناکې پایلې لرلی شي.