ژوب ـ ډیره اسماعیل خان لویه لار د سپټمبر په ۲۵مه او ۲۶مه بشپړه تړل کېږي

کوټه (ویب نیوز) د شیراني ضلعي ادارې له لوري ټولو مسافرو ته خبر ورکړل شوی چې د سپټمبر په ۲۵مه او ۲۶مه دې د ژوب ـ ډیره اسماعیل خان پر لویه لار له سفر کولو ډډه وکړي. د ضلعي ادارې په وینا، د دهانه سر په سیمه کې د غرونو د ښوېدنې د احتمال له امله د خوندیتوب تدابیر او اړین کارونه پیلېږي، چې له امله به یې یاده لویه لار د دواړو ورځو په ترڅ کې په بشپړه توګه تړلې وي. ضلعي ادارې له ټولو مسافرو غوښتنه کړې چې په دغو دوو ورځو کې پر دغه لاره له سفر کولو ډډه وکړي او خپل خوندیتوب یقیني کړي.