پاکستان د پي اېن اېس هنګور اوبتل څخه د بېړیو ضد کروز توغندي بریالۍ ازموینه وکړه

کوټه (ویب نیوز) د پاکستان سمندري ځواکونو د نوې اوبتل پي اېن اېس هنګور څخه د بېړیو ضد کروز توغندي بریالۍ ازموینه وکړه. د آی اېس پي آر په وینا، د عربي سمندر په شمالي برخه کې توغول شوي توغندي په اوږده واټن کې ټاکلی هدف په بریالیتوب سره وویشت. د سمندري ځواکونو مشر اډمیرل نوید اشرف وویل چې دا بریا د سمندري ځواکونو د عملیاتي چمتووالي او د اوبو لاندې جګړه‌ییزو وړتیاوو د پیاوړتیا څرګندونه کوي.