د لانګ مارچ پرېکړه د پاکستان تحریک انصاف (پي ټي آی) خپله وه۔ ناصر عباس

اسلام اباد (وېب نيوز) په سېنېټ کې د اپوزېشن مشر سېنېټر علامه راجا ناصر عباس ویلي چې د لانګ مارچ پرېکړه د پاکستان تحریک انصاف (پي ټي آی) خپله وه او د «تحریک تحفظ آئین پاکستان» ائتلاف یوازې له دې پرېکړې خبر کړل شوی و. له جیو نیوز سره په خبرو کې نوموړي وویل چې د تحریک تحفظ آئین پاکستان له خوا پي ټي آی ته مشوره ورکړل شوې وه چې خپل اجنډا د ټول پاکستان په اجنډا بدله کړي. هغه وویل چې د اپوزېشن ائتلاف وړاندیز کړی و چې د امن او امان، معدنیاتو، صوبو د چارو، د صوبو د حقونو، د بلوچستان او سند ستونزې، د خیبر پښتونخوا او د هېواد اقتصادي او سیاسي مسایل هم په اجنډا کې شامل کړل شي. علامه راجا ناصر عباس وویل چې په هېواد کې خلک د ګرانۍ او بېوزلۍ په ګډون له ګڼو ستونزو سره مخ دي او د دغو ستونزو حل ضروري دی. د هغه په وینا، که اپوزېشن پر دغو مسئلو په ګډه خبرې وکړي، نو نورې سیاسي ډلې هم ورسره یوځای کېدای شي