د عایداتو مالیې اظهارنامو د سپارلو نېټه د اکتوبر تر ۱۵مې وغځول شوه

اسلام‌اباد (ویب نیوز) د عایداتو فدرالي ادارې (ایف بي آر) د مالیه ورکوونکي کېدو لپاره د عایداتو مالیې اظهارنامو د سپارلو وروستۍ نېټه ۱۵ ورځې غځولې ده. د ایف بي آر د اعلامیې له مخې د اظهارنامو د سپارلو وروستۍ نېټه د سپتمبر ۳۰مه وه چې د اکتوبر تر ۱۵مې وغځول شوه. اوس مالیه ورکوونکي کولای شي خپل د عایداتو مالیې اظهارنامې د اکتوبر تر ۱۵مې پورې وسپاري. د ایف بي آر د سرچینو په وینا، په سپتمبر کې د مالیې راټولولو سل سلنه هدف ترلاسه شوی او په دغه میاشت کې ټولټال یو زر او ۳۹۰ اربه روپۍ مالیه راټوله شوې ده.