د هندي ادعا خلاف محمد آصف ژوندی دی، د آی اېس پي آر عمومي رییس

راولپنډۍ (ویب نیوز) د انټر سروسز پبلک ریلیشنز عمومي رییس لیفټیننټ جنرال احمد شریف چوهدري ویلي چې هندي چارواکو په اشغال شوې کشمیر کې د یوه ادعا شوي لشکر طیبه قوماندان د وژل کېدو په اړه په راپورونو کې د پاکستان د پخواني ایس ایس جي حوالدار محمد آصف، چې د هاشم موسیٰ په نوم هم یاد شوی، پېژندنه کړې وه، خو نوموړی ژوندی او په پاکستان کې موجود دی. د خبري غونډې پر مهال د آی اېس پي آر عمومي رییس محمد آصف رسنیو ته وړاندې کړ. محمد آصف وویل چې هغه په ۲۰۲۳ کال کې له ایس ایس جي څخه تقاعد شوی او په راولپنډۍ کې په خپل کور کې و چې د ټولنیزو رسنیو له لارې پرې د خپلې وژل کېدو خبر خپور شوی دی. د آی اېس پي آر عمومي رییس د هند ادعا رد کړه او ویې ویل چې پاکستان د دښمن د هر ډول اقدام د مقابلې لپاره چمتو دی او د هېواد پر امنیت به هېڅ ډول جوړجاړی ونه شي.