کوټه: عیسوي ځوان اجې مسیح اسلام قبول کړ، محمد عبدالله نوم ورکړل شو

کوټه (ویب نیوز) د بلوچستان د عالمی مجلس تحفظ ختم نبوت امیر او د قندهاري جامع جومات خطیب مولانا مفتي محمد احمد، د جمعیت علما اسلام نظریاتي پاکستان مرکزي د اطلاعاتو منشي حاجي سید عبدالستار شاه چشتي او مولانا سعدالله ویلي چې اسلام د سولې، مینې او ورورولۍ نړیوال پیغام لري. دوی دا څرګندونې هغې غونډې ته وروسته وکړې چې مولانا مفتي محمد احمد عیسوي ځوان اجې مسیح ته کلمه طیبه وویله او نوموړی یې د اسلام دین ته داخل کړ او اسلامي نوم یې محمد عبدالله کېښود. علماوو محمد عبدالله ته د اسلام د منلو مبارکي ورکړه او دعا یې وکړه چې الله تعالی دې هغه په دین اسلام ټینګ وساتي. په دې مناسبت غونډه کې ګڼو ځايي خلکو ګډون وکړ او نوي مسلمان شوي ځوان ته یې د دین پر لار د استقامت لپاره دعا وکړه.