کوټه لوېدیځ: د ون ویلنګ پر ضد عملیات، ۲۱ کسان نیول شوي

کوټه (ویب نیوز) د کوټې لوېدیځ د مرستیال کمشنر منیر احمد دراني په لارښوونه د ولسوالۍ ادارې د شاهواني لنک سړک پر سر د ون ویلنګ پر ضد عملیات کړي او ۲۱ کسان یې نیولي دي. د بروري مرستیال کمشنر کاشف امر تر څارنې لاندې په ګډو عملیاتو کې د هزار ټاون، شالکوټ او کیچي بیګ تاڼو پولیسو ګډون کړی و. چارواکي وايي چې ون ویلنګ د سړک پر سر د تېرېدونکو خلکو لپاره ستونزې او د ترافیکي پېښو خطر رامنځته کړی و او د سیمې اوسېدونکو هم د دې په اړه شکایتونه کړي وو، چې له امله یې د خلکو د خوندیتوب لپاره سمدستي اقدام وشو. د ولسوالۍ ادارې ویلي چې ون ویلنګ یو خطرناک عمل دی او پر عامه سړکونو د ون ویلنګ او نورو خطرناکو موټرچلوونکو پر وړاندې به عملیات په راتلونکي کې هم دوام ولري.