په پنجګور کې د چاودېدونکو توکو چاودنه، دوه ماشومان مړه او درې ټپیان

پنجګور (ویب نیوز) د ګوارګو تحصیل په فتح علي بازار کې ماشومان په لوبو بوخت وو چې مشکوک چاودېدونکي مواد یې وموندل او د لمس کولو پر مهال پرې چاودنه وشوه. د پولیسو په وینا، په چاودنه کې ۹ کلن ارمان د انور زوی او ۱۰ کلن عمل د سالم زوی مړه شوي، په داسې حال کې چې ۹ کلن شاهد، ۷ کلن زاهد د شاهد زوی او ۱۲ کلن نورالله د رفیق زوی ټپیان شوي دي چې د درملنې لپاره روغتون ته انتقال شوي دي. د پېښې په اړه نورې پلټنې روانې دي.