جمال شاه کاکړ او د بلوچستان اسمبلۍ سپیکر عبدالخالق اڅکزي لیدنه، پر سیاسي وضعیت خبرې

کوټه (ویب نیوز) د قومي اسمبلۍ غړي او د پاکستان مسلم لیګ ن د صوبايي عمومي منشي جمال شاه کاکړ او د بلوچستان اسمبلۍ سپیکر کپتان (ر) عبدالخالق اڅکزي ترمنځ تفصیلي لیدنه ترسره شوه چې پکې د هېواد پر اوسني سیاسي وضعیت، د بلوچستان پر چارو او د ګډې علاقې پر نورو موضوعاتو خبرې وشوې. په لیدنه کې دواړو مشرانو د هېواد پر سیاسي حالاتو، د بلوچستان پر عمومي وضعیت او د ولس د ستونزو د حل په ګډون پر بېلابېلو موضوعاتو خپل نظرونه څرګند کړل. د سیاسي او پارلماني چارو او د راتلونکي تګلارې په اړه هم خبرې وشوې. دواړو مشرانو موافقه وکړه چې په هېواد او صوبه کې د سیاسي ثبات، د ولسواک بهیر د دوام او د ولس د ستونزو د حل لپاره اغېزمن اقدامات اړین دي. دواړو لورو د راتلونکې لپاره د اړیکو او مشورو د دوام پر سر هم موافقه وکړه.