په کوټه کې د خراب امنيت پر ضد د اکتوبر پر ۹مه د جمعیت احتجاجي لاریون

کوټه (وېب نیوز): د جمعیت علمای اسلام د کوټې ولسوالۍ مشر شیخ الحدیث مولانا عبدالرحمن رفیق، عمومي منشي حاجي عین الله شمس او نورو مشرانو اعلان کړی چې په کوټه کې د خرابېدونکي امنيت، د جرمونو د زیاتوالي او د خلکو د سر او مال د نه خوندیتوب پر ضد به د اکتوبر پر ۹مه احتجاجي د سولې لاریون ترسره کړي. دوی وویل چې لاریون به د ماسپښین په درې بجې له جناح سړک څخه پیل شي او له خلکو یې د پراخ ګډون غوښتنه وکړه. د دوی په وینا، په ښار کې غلا، شوکې، وژنې، د نشه يي توکو خرڅلاو او نور جرمونه زیات شوي چې له امله یې خلک له سختې وېرې او اندېښنې سره مخ دي. دوی له حکومت او ادارو وغوښتل چې د جرمي عناصرو او د نشه يي توکو د خرڅلاو پر مرکزونو بېړنی او بې توپیره عملیات وکړي، د خلکو د سر او مال خوندیتوب یقیني کړي او که عملي اقدامات ونه شي، د احتجاج لړۍ به نوره هم پراخه کړي.