ډېره بګټي، پر مسافر وړونکي موټر د نامعلومو کسانو ډزې، ۲ کسان ټپیان

ډېره بګټي (ویب نیوز) د بلوچستان د ډېره بګټي ولسوالۍ د سوئي کچي په سیمه کې نامعلومو وسله والو د کوټې پر لور روان پر یوه مسافر وړونکي موټر بې‌هدفه ډزې وکړې چې له امله یې دوه ځوانان ټپیان شول. د پولیسو په وینا، د ټپیانو پېژندنه د ماسټر علي محمد ولد علي نواز، د سندراني بګټي قوم، او فرمان ولد یارو، د دیناري بګټي قوم، په نومونو شوې ده. له پېښې وروسته په سیمه کې وېره خپره شوې، خو تر اوسه د ډزو د لامل او د پېښې د نورو جزیاتو په اړه معلومات نه دي ترلاسه شوي.