د سعودي ملاتړ له یمن سره د جګړې اعلان دی، د حوثیانو مشر

صنعاء (وېب نیوز) د یمن د حوثیانو د سیاسي شورا غړي محمد علي الحوثي د مصر د پارلمان له خوا ولسمشر عبدالفتاح السیسي ته د سعودي عربستان د دفاع لپاره د اړینو اقداماتو د اجازې ورکول غندلي او دا یې له یمن سره د جګړې اعلان بللی دی. مصر ویلي چې ملاتړ یې یوازې د سعودي د خاورې او ملي حاکمیت د دفاع لپاره دی. د حوثیانو مشر ادعا کړې چې د سعودي ملاتړ په سیمه کې د کړکېچ د کمولو له هڅو سره په ټکر کې دی. دا څرګندونې وروسته له هغې شوې چې سعودي عربستان د توغندیو او بې‌پیلوټه الوتکو د شنډولو ادعا وکړه.