د راډیو پاکستان د برید قضیه؛ د سهیل افریدي په ګډون د څلورو کسانو د نیولو امرونه

اسلام آباد (ویب نیوز)د پېښور د ترهګرۍ ضد محکمې د راډیو پاکستان پر ودانۍ د برید او اور اچونې په قضیه کې د سهیل افریدي، تیمور سلیم جګړا، کامران بنګش او عرفان سلیم د نیولو امرونه صادر کړي دي. د اورېدنې پر مهال پولیسو خپل چالان محکمې ته وړاندې کړ. د څارنوالۍ په وینا، د تورنو کسانو پېژندنه د پنجاب د عدلي علومو ادارې او نادرا د راپورونو پر بنسټ شوې ده.