د عدن پر هوايي ډګر توغندیز بریدونه؛ په الجوف کې د ۱۴ کسانو د وژل کېدو ادعا

اسلام آباد (ویب نیوز)د یمن د نړیوالې ټولنې له خوا د منل شوي حکومت د ترانسپورټ وزارت ویلي، حوثي ډلې د عدن پر نړیوال هوايي ډګر دوه توغندیز بریدونه کړي دي. وزارت دغه بریدونه د مسافرو او هوايي عملې لپاره خطر بللی دی. بل لور ته، له حوثیانو سره تړلي ټلوېزیون ادعا کړې چې د سعودي عربستان په هوايي برید کې د یمن په الجوف ولایت کې ۱۴ کسان وژل شوي او ۱۵ نور ټپیان دي. یاد شمېرې لومړنۍ بلل شوې دي.