د چنجن پولیسو ۶۰۰ کیلوګرامه نشه‌يي مواد نیولي، دوه کسان نیول شوي

لورالایي (وېب نيوز) د چنجن پولیسو د پټو معلوماتو پر بنسټ په یوه عملیاتو کې ۶۰۰ کیلوګرامه اومان بوټی نیولی او دوه کسان، نور علي او عبدالنافع، یې نیولي دي. د پولیسو په وینا، یاد مواد د آیس نشه‌يي توکو په جوړولو کې کارول کېږي. د نشه‌يي موادو د لېږد لپاره کارېدونکي دوه موټرونه هم نیول شوي دي. د نیول شویو کسانو پر ضد مقدمه درج شوې او پلټنې روانې دي.