بنګله دېش؛ د عوامي لیګ مشر محبوب العالم حنیف ته د مرګ سزا

کوټه (وېب نيوز) د بنګله دېش د نړیوالو جرمونو محکمې د عوامي لیګ ګډ عمومي منشي محبوب العالم حنیف ته د بشریت پر ضد د جرمونو په قضیه کې د مرګ سزا اورولې ده. قضیه د ۲۰۲۴ کال د جولای د پاڅون پر مهال په کُشتیا کې د شپږو کسانو له وژنې سره تړاو لري. په همدې قضیه کې درې نورو تورنو کسانو ته هم بېلابېلې سزاوې ورکړل شوې دي. څلور واړه تورن کسان تښتېدلي بلل شوي او د محکومو کسانو د غیرمنقولو شتمنیو د نیمایي برخې د ضبطولو حکم هم شوی دی.